મોક્ષ (ગીત)
થીજી ગયો હું ત્યારે, ઓગળી ગયો`તો જ્યારે..!
અણસાર મને તારો, બસ મળી ગયો`તો ત્યારે..!
૧.
એક અર્થ `હોવું` ને, અનર્થ હોય `ન-હોવું?`
`હોવું - ન હોવું` ગલીમાં, હું ભટક્યો`તો જ્યારે..!
અણસાર મને તારો, બસ મળી ગયો`તો ત્યારે..!
૨.
`હોવું` જ હશે હોવું કે, `ન-હોવું` છે હોવું ?
ઉખાણાનો સાચો ઉત્તર, સમજ્યો`તો જ્યારે..!
અણસાર મને તારો, બસ મળી ગયો`તો ત્યારે..!
૩.
`હોવું` છે `હા-હા` અને `ન-હોવું` તે `ના-ના`?
`હા-ના`ને કમનથી કાયમ, મળતો`તો જ્યારે..!
અણસાર મને તારો, બસ મળી ગયો`તો ત્યારે..!
૪.
`ન-હોવું` જ હોવું, સર્વથા `હોવું` જ ન હોવું.
લલકાર ભીતરથી, કોઈએ કર્યો`તો જ્યારે..!
અણસાર મને તારો, બસ મળી ગયો`તો ત્યારે..!
માર્કંડ દવે.તાઃ ૨૭-૦૨-૨૦૧૩.
No comments:
Post a Comment