હોવું ન હોવું. (ગીત.)
પડી-પડીને વળી ઊઠવું, હોવું ન હોવું.
દર ફેરે ફોગટિયું રોવું ? હોવું ન હોવું.
અંતરા-૧.
મનને લતાડ નહીં, આતમ રંજાડ નહીં
તારી જાતને જૈ કહેવું, હોવું ન હોવું.
દર ફેરે ફોગટિયું રોવું ? હોવું ન હોવું.
અંતરા-૨.
સંજોગ શણગાર નહીં,નિયમ બદલાવ નહીં.
અસ્થિર વખત થૈ વહેવું, હોવું ન હોવું.
દર ફેરે ફોગટિયું રોવું ? હોવું ન હોવું.
અંતરા-૩.
અવતાર બંધાય નહીં,સગપણ સંધાય નહીં.
અતિ ઝીણું છે, આ સોય - નાકું, હોવું ન હોવું.
દર ફેરે ફોગટિયું રોવું ? હોવું ન હોવું.
અંતરા-૪.
તારું કૈં તારું નહીં, મારું કૈં મારું નહીં.
શીદ ભાવ-જગતને ભેદવું ? હોવું ન હોવું.
દર ફેરે ફોગટિયું રોવું ? હોવું ન હોવું.
પડી-પડીને વળી ઊઠવું, હોવું ન હોવું.
દર ફેરે ફોગટિયું રોવું ? હોવું ન હોવું.
માર્કંડ દવે. તાઃ ૧૭-૦૨-૨૦૧૨.
No comments:
Post a Comment