Saturday, February 18, 2012

કાજળભર્યા નયનોનાં કામણ




કાજળભર્યા નયન.(ગીત) 


ગાયક-શ્રીધવલ ઠાકર (વડોદરા.)
ગીતકાર-સ્વરકાર-સંગીત-શ્રીમાર્કંડ દવે.









કે તારા કાજળભર્યા નયનોનાં કામણ..,(૨) 
નેવળી તીરછી નજરનું આમંત્રણ..,
પાગલ પરવશ ભટકતો રહ્યો..,(૨) 
મારી બરબાદીનું એજ છે એક કારણ..,


કે તારા કાજળભર્યા નયનોનાં કામણ..,


અંતરા-૧.


પ્રીતની રીત જો સત્વર મળે તો..,
દ્વૈત-અદ્વૈતમાં તત્પર ભળે તો..,(૨)
આયખાંની અવધિ અટકે અધવચતો,
છળને કપટનું કાઢજે તું તારણ..,


કાજળભર્યા નયનોનાં કામણ..,


અંતરા-૨.


યાદ ફરી-યાદના તાણા વણે તો, 
સાદ પ્રતિ-સાદે કણે-કણે તો,(૨)
ભેદને ભરમના ઊઠે તરંગ તો, 
જાણજે ધડક્યું છે તારું સંભારણ..,


કાજળભર્યા નયનોનાં કામણ.., 


અંતરા-૩.


પ્રેમની ભાષા જો ભરમાતી લાગે, 
ઉરની ઉષા જો કરમાતી લાગે,(૨)  
આંખમાં આંસુની ઓછપ અંજાયતો, 
દુઃખ કેરા દરિયા સુકાયાનું કારણ..,


કાજળભર્યા નયનોનાં કામણ..., 


અંતરા-૪.


નયનોમાં સમણાનું કસ્તર પડેતો..,
કાળજાને કોરતું નસ્તર નડે તો..,(૨)
શ્વાસ-નિશ્વાસના અટકે ચરણ તો,
જાણજે, કર્યું છે માયાએ મારણ.., 


કાજળભર્યા નયનોનાં કામણ..,(૨)


કસ્તર=તણખલું; રજ; કચરો


નસ્તર=છેદન; છેદ; કાપ.


કે તારા કાજળભર્યા નયનોનાં કામણ..,(૨) 
નેવળી તીરછી નજરનું આમંત્રણ..,
પાગલ પરવશ ભટકતો રહ્યો હું..,(૨) 
મારી બરબાદીનું એજ છે એક કારણ..,
કે તારા કાજળભર્યા નયનોનાં કામણ..,(૨) 


માર્કંડ દવે-તા.૨૪-૦૮-૨૦૧૧.

No comments:

Post a Comment

વરિષ્ઠ કલાકારોના સન્માન સમારંભની કેટલીક યાદગાર ક્ષણો.